الرئيسيةس .و .جبحـثالتسجيلالمجموعاتدخولللمرسالة

شاطر | 
 

 أزاى تبقى رزل فى الكلية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MaTrEx
مشرف عسوول


ذكر
عدد الرسائل : 475
مزاج الصديق ويعتبر لدينا :
SMS :


My SMS
$post[field5]


تاريخ التسجيل : 29/12/2007

مُساهمةموضوع: أزاى تبقى رزل فى الكلية   الجمعة مارس 07, 2008 12:40 pm

زاى تبقى رذل فى الكلية


فى الكلية هتقابل صاحبك وهتقعدوا على أى كافيه بقى

هيجى الجارصون سيب صحبك يطلب الأول وبعدين استلم الجارصون بقى واديله نصيبه

قوله عندك برجر ؟ هيقولك اه

قوله حلو ؟ هيقولك تمام

قوله اوك يبقى اكتب واحد شاورمة

طب عندك كبده ؟ هيقولك ايوة قوله معمولة ازاى ؟

سيبه يرغى شوية وقوله انا اصلا مبحبش الكبدة فكك

حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل

أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها

المهم حاول تجيبله جفاف عقبال ماتطلب اللى انت عايزه

وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى

لو معاك كاتشب مفيش مانع تكتب أول حرف من اسمك على التربيزة المهم تخليله التربيزة شبه التورتة

ومتنساش تعيب على الأكل وأنت بتحاسب وكمان تقول الحساب غالى

فى
المدرج أرشق نفسك بين أتنين متعرفهمش وابتدى الشغل بقى أتعامل على إنك
صاحبهم من قرن يضحكوا على حاجة اضحك معاهم كده يعنى المهم تركز معاهم كأنك
من بقيت أهلهم ولا خلفوك ونسوك

أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم

لو مسكتش أنا هقول للدكتور والحركة دى رذلة ومستفزة جدا بس اشطه يعنى

وياسلام لو واحد وواحدة يبقى أنت كده جبت من الآخر

لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض

استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت

طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا

عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد

هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم

لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش

ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص

لما
يجى دورك بقى بيبقوا عايزين يخلصوك ويكروتوك واللى واقفين وراك فى الطابور
مستنينك تغور فى داهية بفارغ الصبر خد وقتك كأنك بتحجز فى سينما و اسأل
أسئلة كتير وكل مايقولك حاجة قوله مش فاهم معلش قول تانى فهمنى أعمل أيه
بالظبط لحد ماتشل أكبر عدد ممكن

شكرا







_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جريح الحب
صديق ماسى
avatar

ذكر
عدد الرسائل : 332
العمر : 25
مـــــــد ى أحـــــتـــــرا م الــصــد يــــق :
SMS :


My SMS
$post[field5]


تاريخ التسجيل : 11/01/2008

مُساهمةموضوع: رد: أزاى تبقى رزل فى الكلية   الثلاثاء مارس 18, 2008 1:16 am


على فكرة انا اساسا اتشليت و انا باتابع الموضوع
و الله يكون فى عونك لما كنت بتكتبة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MaTrEx
مشرف عسوول


ذكر
عدد الرسائل : 475
مزاج الصديق ويعتبر لدينا :
SMS :


My SMS
$post[field5]


تاريخ التسجيل : 29/12/2007

مُساهمةموضوع: رد: أزاى تبقى رزل فى الكلية   الأربعاء مارس 19, 2008 4:56 am

ههههههههههههه

شكرا لمرورك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أزاى تبقى رزل فى الكلية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Friendsstreet :: منتدى الترفية والتشويق :: قسم النكت والفوازير-
انتقل الى: